Some of the most bloggable conversations I had with my friends in our thesis days (2 years ago). Allow me to repost them. (And oh, ngayon lang yata ako magta-Tagalog sa blog ko nang bonggang bongga since I got my .com account.)

DOHNA

Nung Friday night, hindi dapat ako pupunta sa rehearsals nina Dohna and Glenn. Dumaan lang ako sa Aldaba Hall para sana magpaalam na manonood na lang ako ng Close To You, starring John Lloyd Cruz, Bea Alonzo and Sam Milby.

Sa labas pa lang, nakita ko na si Dohna. Sabi ko, “Hoy Dohna, may sasabihin ako sa’yo…”

Sabi naman ni Dohna na nagmamadali nung panahon na yun, “Akyat ka na, dun mo na lang sabihin sa loob. Bilis, marami pang gagawin.”

So sumama naman ako kay Dohna paakyat. Balak ko, dun ko na lang sasabihin na hindi na lang muna ako tutulong sa pagset-up at pagrehearse.

Pero, pero, pero pagpasok namin ng Aldaba Hall, isang superly duper cute na choreographer ang bumulaga saken. So ayun, pinakilala naman kami ni Dohna sa isa’t isa.

Tapos, tinanong ako ni Dohna, “O ano na ang sasabihin mo saken, bilis!”

Damn.

“Uhm, Dohna… ano pang kelangang gawin?”

Hahaha, punyetang kalandian ‘to. Nakalimutan ko bigla yung sine.

ICANG

Sa Baywalk habang naglalakad kasama ko sina Icang, Dohna and Chinggay, napasigaw ako: “Oh my God! ICE MONSTER!!!” Peborit ko kasi ang Ice Monster. Strawberry forever.

Sabi ni Dohna, “Shet, Ice Monster tayo!”

Nag-second the motion naman ako. “Honga! Tara! Ice Monster! Ice Monster!”

“Ay, malamig e. Anlamig-lamig na nga, malamig pa kakainin natin,” hirit ng KJ na si Chinggay.

Sabi ko naman, “Sige na nga. Hanap na lang tayo ng iba. Figaro na lang, para coffee tayo.”

So papunta na lang kami ng Figaro.

Biglang nagsalita si Icang, Excited na excited, “Guys, ayun o, may Ice Monster dun! Waaah! Ice Monster tayo!”

Uhm, Icang, where have you been?!? Kanina pa namin pinaguusapan, in fact, nagmove on na kami.

Minsan talaga, feeling ko, nakadrugs si Icang.

TEZ

Si Tez naman, minsan magulo kausap.

Yoshke: Tez, hanggang anong oras bukas ang shoot?
Tez: Oo.

Hala. Ewan ko sa’yo.

TONET AND LEI

At the film lobby, Tonet, Lei and I were talking about MYMP. Tamang tama naman at nag-play sa MP3 player ko ang “Get Me.”

Yoshke: I really like this song.
Tonet: Alin?
Yoshke: “Get Me” ng MYMP.
Tonet and Lei: (sabay, gulat) Nye! AMPANGET KAYA NUN!
Lei: Mas panget pa nga yan sa “Love Has Come My Way” ni Heart Evangelista.
Yoshke: (tahimik muna) Um, gusto ko rin yun e.

WINWIN

Isang gabi, nagtext si Winwin, thesis partner ko.

Win: Yoshke, isip tayo ng pangalan ng kunyari production outfit natin for our thesis.
Yoshke: Uhm… Bi Couple Productions?
Win: Haha. I like that. O sige.
Yoshke: Um, Jerwin, I was just kidding.

Why would anyone take that seriously? Bi couple productions? Really? Haha.

GOD

Sa McDo Philcoa habang hinihintay namin nila Chinggay, Ayn, Frances and Icang si JV, sobrang daming tao. Biglang bumagsak ang laptop ko sa sahig mula sa mesa. Syempre nagulat ako. Napasigaw ako ng sobrang lakas ng:

“OH. MY. FUCKING. GOD!!!”

All eyes on me. Sa kabilang table, as in katabing-katabi ng table namin, ay nagmi-meeting ang Campus Crusade for Christ.

Sorry lang. Malay ko bang andyan kayo sa tabi. Haha.

I think I had better get a more decent, non-blasphemous expression. This one’s getting me in deep shameful shit.

If you liked this post, you might want to check out: